میدانِ عمل میں علماء و مشائخ کی ایک کونسل

مملکتِ خداداد پاکستان اولیاء اللہ اور علمائے کرام کے فیضان سے قائم ہوئی۔ اس کے قیام کا سہرا بانی پاکستان قائدِ اعظم محمد علی جناحؒ اور ان کے جانثار رفقاء کی طویل جدوجہد اور بے پناہ قربانیوں کے سر ہے، جنہیں مصورِ پاکستان علامہ ڈاکٹر محمد اقبالؒ کی فکر نے راہ دکھائی۔

تحریکِ پاکستان میں جہاں جہاں برصغیر کے مسلمان قائدِ اعظمؒ کی ولولہ انگیز قیادت میں متحد ہوکر جدوجہد کرتے رہے، وہاں مشائخِ عظام اور علمائے کرام کی کوششوں کو بھی کبھی فراموش نہیں کیا جاسکتا۔ ان کے بے مثال کردار اور خدمات کا اس ملک کے قیام میں بڑا عمل دخل ہے۔

قیامِ پاکستان سے لے کر آج تک مشائخ، علمائے کرام، تمام مذاہب و مسالک اور پوری قوم نے ہر مشکل گھڑی میں وطنِ عزیز کی ترقی، سلامتی اور بقا کے لیے سیسہ پلائی ہوئی دیوار بن کر ساتھ دیا۔ متحدہ علماء مشائخ کونسل آف پاکستان گزشتہ تین دہائیوں سے میدانِ عمل میں اسی عقیدے اور نظریے کی نمائندگی کر رہی ہے اور اسی کو اپنی منزل سمجھتی ہے۔